Отан қорғаушысы-аса құрметке ие мамандық 22 қаңтар 2025 жылы 79 мектеп-лицейінде «Отан қорғаушысы-аса құрметке ие мамандық» деген тақырыпта, біздің мектептің 2023-2024 оқу жылының түлегі, Армия генералы С.Нұрмағамбетов атындағы Құрлық әскерлері әскери институтының курсанты Тұрарбек Ерсұлтан Мұхитұлының қатысуымен жоғарғы сынып оқушыларымен кездесу өтті.
Әр жыл сайын өтетін дәстүрге айналған кездесуге Астана қаласы, Нұра ауданы қорғаныс істері жөніндегі департаментінің инспекторы запастағы майор Ниязов Мұхтар Жақсыбайұлы қатысып, кәсіптік бағдарға арналған арнайы бейне роликтер көрсетіп, оқушылардың сұрақтарына жауап берді. Арнайы шақырумен келген мектеп түлегі, ВИСВ 1-ші курс курсанты Тұрарбек Ерсұлтан Мұхитұлы оқушыларды әскери оқу орнының ерекшеліктерімен таныстырып, әскери курсант өмірімен таныстырды. 79 мектеп-лицейінің АӘжТД пәнінің оқытушы-ұйымдастырушысы подполковник Кангалаков Муратбек Сыздыкович өз сөзінде ҚР Конституциясының 36 бабының талаптарын оқушыларға жеткізді.Кездесудің соңында мектеп директорының тәрбие ісі жөніндегі орынбасары Умарова Айтжамал Аибовна мектеп әкімшілігінің атынан сөз сөйлеп, Тұрарбек Ерсұлтан Мұхитұлына мадақтама табыстады. Қызықты кездесу фотосессиямен аяқталды.
«Отан қорғаушысы-аса құрметке ие мамандық»
