№79 МЕКТЕП-ЛИЦЕЙІНДЕ ӘКЕЛЕР КЕҢЕСІНІҢ ОТЫРЫСЫ ӨТТІ
Астана қаласындағы №79 мектеп-лицейінде “Біртұтас тәрбие бағдарламасы” аясында “Ашық есік” күніне орай әкелер кеңесінің отырысы өтті. Іс-шараның мақсаты – бала тәрбиесіндегі әкенің рөлін айқындау, мектеп пен ата-аналар арасындағы байланысты нығайту, сондай-ақ, әкелер кеңесінің маңыздылығын арттыру.
Жиын қонақтарын педагог-ұйымдастырушы Акбалаев Рамазан Нұртуғанұлы “Әке” әнімен қарсы алып, қатысушыларға ерекше әсер сыйлады. Мектеп директорының тәрбие ісі жөніндегі орынбасары Умарова Айтжамал Айбовна әкелер кеңесінің жұмысы, атқарылған іс-шаралар туралы баяндап, жиынның негізгі міндеттерімен таныстырды.
Отырыстың қонағы ретінде
Әкелер одағы РҚБ, Астана қаласы филиалы төрағасы,
Астана әкімдігі жасөспірім балалар құқұғын қорғау комиссия мүшесі Күзембай Бекдайыр Нығметұлы қатысты. Кездесу барысында әкелер кеңесінің бала тәрбиесіндегі рөлі, олардың мектеп өміріне белсенді араласуы және қоғамдағы маңыздылығы жан-жақты талқыланды.
